"Sabah" Sloveniyada 4 oyun keçirəcək

"Sabah"ın yay hazırlıq planı bəlli olub.

Prosport.Az klubun mətbuat xidmətinə istinadən xəbər verir ki, növbəti mövsümün hazırlıqlarına iyunun 20-də Masazırda, “Bank Respublika Arena”da başlayacaq. İyunun 24-dən 29-dək Qəbələdə hazırlıq keçəcək “Sabah”, iyulun 1-də təlim-məşq toplanışın ikinci mərhələsi üçün Sloveniyaya yollanacaq. Çatej-ob-Savi qəsəbəsində məskunlaşacaq komanda 4 yoxlama oyunu keçirəcək. İyulun 6-da Sloveniyanın “Koper”, 10-da Serbiyanın “Çukariçki”, 13-də Ukraynanın “Krivbass”, 17-də isə bu ölkənin “Rux” (Lvov) komandası ilə qarşılaşacağıq. "Sabah" iyulun 18-də Bakıya qayıdacaq. 

Qeyd edək ki, ölkəmizi UEFA Konfrans Liqasında təmsil edəcək “Sabah” mübarizəyə 2-ci təsnifat mərhələsindən qoşulacaq. Masazır təmsilçisinin Konfrans Liqasında oyunlarını iyulun 25-də və avqustun 1-də keçirəcək.