ABŞ-ın keçmiş prezidenti Donald Tramp əmindir ki, Birləşmiş Ştatlar yeni qlobal silahlı münaqişəyə cəlb olunmaq riski ilə qarşı-qarşıyadır.
“İki sahil” xəbər verir ki, Tramp Miçiqan ştatının Detroit şəhərində xalqın qarşısında çıxışı zamanı "Bizim etməli olduğumuz ən vacib şey ölkəmizi xilas etməkdir, çünki ölkəmiz problem içindədir. Üçüncü dünya müharibəsinin başlamaq ehtimalı var" deyib.
Bundan əvvəl də Tramp “Impaulsive” YouTube kanalına müsahibəsində bildirmişdi ki, 2016-cı ildə prezident seçkilərində o deyil sabiq dövlət katibi Hillari Klinton seçilsəydi ABŞ Şimali Koreya ilə nüvə münaqişəsinə cəlb olunacaqdı.
