Ağdaşda lotereya biletləri oğurlayan keçmiş məhkum saxlanılıb.
Daxili İşlər Nazirliyindən Medianews.az-a verilən xəbərə görə, Ağdaş rayon Polis Şöbəsinə şəhər ərazisində lotereya biletlərinin satıldığı piştaxtalardan oğurluq edilməsi barədə məlumat daxil olub. Həyata keçirilən tədbirlərlə əməli törədən, əvvəllər də narkotiklərin dövriyyəsi ilə məşğul olduğuna görə məhkum edilmiş Ruslan Hacıyev saxlanılıb.
Onun bir neçə piştaxtadan 300-dən artıq lotereya bileti oğurladığı məlum olub.
Faktla bağlı cinayət işi başlanılıb, araşdırmalar davam etdirilir.
