Alimlərin fikrincə, Qədim Yunanıstanın ən mühüm mədəni irslərindən biri olan Delos adası Egey dənizinin dərin sularının altında qalacaq.
Oxu24.com xəbər verir ki, arxeoloqlar 10 il ərzində adanın bəzi yerlərində dəniz səviyyəsinin 20 metrə qədər qalxdığını bildiriblər.
Su səviyyəsinin yüksəlməsi səbəbindən eroziyaya uğrayan və dağılan Delos strukturları təxminən 50 ildən sonra yox olmağa məhkumdur.
2 min il tarix keçib...
Dərin mavi sularla əhatə olunmuş Delosun 2 min illik strukturları Ellinistik və Roma dövrlərindəki gündəlik həyat haqqında məlumat verir.
50 il sonra yox olacaq...
Yunan dövlətinin icazəsi ilə son 150 ildə bölgədə qazıntı işləri aparan Fransız Arxeologiya Məktəbinin (EFA) rəhbəri Veronique Chankowski bildirib ki, Delos təxminən 50 il sonra yox olmağa məhkumdur. Ən böyük struktur ziyan ticarət və anbar binalarının yerləşdiyi və ziyarətçilər üçün əlçatmaz olan ərazidə müşahidə olunur.
Su divarlarına ziyan dəyir...
Fransa Dövlət Qədim Memarlıq Tədqiqat İnstitutunun (IRAA) tədqiqatçısı Jan-Şarlz Moretti deyib: "Su qışda tikililər arasında olur. Bu, su divarlarına təsir göstərir. Hər il yaz aylarında yeni divarların söküldüyünə diqqət yetirirəm.
Ötən il Salonikidəki "Aristotelio" Universitetinin apardığı araşdırma nəticəsində məlum olub ki, temperaturun yüksəlməsi yüksək rütubətlə birlikdə mədəni irs abidələrində istifadə olunan bəzi materialların kimyəvi tərkibinə əhəmiyyətli dərəcədə təsir edə bilər.
Delos adasının tarixi əhəmiyyəti...
Qədim yunanlara görə, Delos işıq, incəsənət və müalicə tanrısı Apollon və onun bacısı ov ilahəsi Artemidanın doğulduğu yer olub. Onlar həm yunanlar, həm də romalılar tərəfindən hörmət edilən əsas tanrılar arasında idi.
30 min əhalisi olan canlı şəhər...
Roma dövründə populyarlığının zirvəsində olan Delos, qədim dünyanın hər yerindən zəvvarları və tacirləri cəlb edib və nəticədə təxminən 30 min əhalisi olan səs-küylü, canlı bir şəhərə çevrilib. Ancaq adanın populyarlığı sonunu gətirdi. 1-ci əsrdə iki dəfə talan edildi və nəticədə əhali şəhəri tamamilə tərk etdi. Hələlik bəzi divarları dəstəkləmək üçün taxta dayaq şüaları istifadə olunur.
"Ekoloji müharibəni uduzduq"...
Bölgədə turizm bələdçisi kimi çalışan yunan arxeoloqu Athena-Christiana Loupou deyib ki, bütün sahilyanı şəhərlər hazırda dəniz səviyyəsində olan mühüm əraziləri itirəcək:
"Biz ətraf mühiti qorumaq üçün plastik samanları kağız çöplərlə əvəz etdik, lakin müharibəni uduzduq".
Yeganə
Mənbə: Ntv.com.tr
