Saatlıda "Təmiz hava" aylığı çərçivəsində tədbir keçirilib.
Bizim.Media xəbər verir ki, Dövlət Yol Polisi Bölməsinin və ərazi üzrə Ekologiya və Təbii Sərvətlər Nazirliyinin əməkdaşlarının keçirdikləri birgə tədbir zamanı avtomobillərdən çıxan qazların tərkibində olan zərərli maddələrin miqdarı xüsusi avadanlıqlarla yoxlanılıb.
Normadan artıq zəhərli qaz ixrac edən və atmosferi çirkləndirən avtomobilləri idarə edən sürücülərlə profilaktik söhbətlər aparılıb.
Qayda pozuntusuna yol verən sürücülər barəsində inzibati tənbeh tədbiri görülüb.
Bundan əlavə, tədbirlər zamanı nəqliyyat vasitəsini sərxoş və narkotik vasitənin təsiri altında idarə edən üç sürücü də müəyyən edilib. Həmin sürücülər barəsində qanunvericiliyə uyğun olaraq tədbirlər görülüb və onlar məsuliyyətə cəlb olunublar.
Bizim.Media
- Gecə Modu
- Ana səhifə
- Statistika
- Səhifələr
- Reytinq
- Hava
- Valyuta
