Norveç hava hücumundan müdafiə sistemləri üçün Ukraynaya 240 milyon avro ayıracaq.
Modern.az UNIAN-a istinadən xəbər verir ki, bu barədə ölkənin Xarici İşlər Nazirliyinin məlumatında deyilir.
Məlumata görə, bu məbləğin 125 milyon avrosu Norveç, Almaniya, Danimarka və Niderlandın “Patriot” sistemləri üçün 100 raketin tədarükü təşəbbüsünə ayrılacaq.
Xatırladaq ki, 2022-ci ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb. Krım isə 2014-cü ildə ilhaq olunub.
