Baş nazir Əli Əsədov Rusiya Günü münasibətilə Rusiya Hökumətinin sədri Mixail Mişustini təbrik edib.
“İki ölkənin xalqlarını birləşdirən çoxəsrlik dostluq, mehriban qonşuluq və qarşılıqlı anlaşma bağları, dərin mədəni və humanitar ənənələr Azərbaycan-Rusiya qarşılıqlı faydalı əməkdaşlıq və strateji tərəfdaşlığın mütərəqqi inkişafının sarsılmaz təməlidir.
Ölkələr arasında ən geniş istiqamətlər, o cümlədən ticarət-iqtisadi, investisiya, sənaye, nəqliyyat, mədəni-humanitar və bir çox digər sahələrdə konstruktiv ikitərəfli dialoq və səmərəli əməkdaşlıq xüsusi məmnunluq doğurur.
Azərbaycanla Rusiya arasında çoxşaxəli əməkdaşlığın bundan sonra da xalqlarımızın və ölkələrimizin mənafeyi naminə davamlı inkişaf edəcəyinə və möhkəmlənəcəyinə əminik”, - məktubda bildirilib.
