Kür çayında tapılan meytin kimliyi müəyyən edilib.
"Report"un Qərb bürosunun məlumatına görə, iyunun 2-də Tovuz rayonunda avtomobillə Kür çayına düşənlərdən iyunun 9-da tapılan meyitin Vüqar Cəfərovun olduğu dəqiqləşib.
Digərlərinin axtarışları hələ davam edir.
Xatırladaq ki, "VAZ-2107" markalı avtomobilin Kür çayına düşməsi nəticəsində 1992-ci il təvəllüdlü Turqut İbrahimov, 1989-cu il təvəllüdlü Tural Quliyev, 1991-ci il təvəllüdlü Vüqar Cəfərov və 1988-ci il təvəllüdlü Elxan Sadıqov çaya düşüb. Onlardan yalnız T.İbrahimov çaydan çıxa bilmişdi.
