Azərbaycan Prezidenti İlham Əliyev Türkiyə Prezidenti Rəcəb Tayyib Ərdoğanın dəvəti ilə iyunun 10-da Türkiyəyə səfər edəcək.
Azadmedia.az xəbər verir ki, bu barədə Türkiyənin Prezident Administrasiyası məlumat verib.
Bildirilir ki, Azərbaycan dövlət başçısı qardaş ölkəyə işgüzar səfər edəcək.
Ankarada keçiriləcək danışıqlarda Türkiyə ilə Azərbaycan arasında ikitərəfli münasibətlər bütün aspektləri ilə nəzərdən keçiriləcək, əməkdaşlığın daha da dərinləşdirilməsi üçün atılacaq addımlar müzakirə olunacaq.
Görüşlərdə ikitərəfli əlaqələr, regional və qlobal problemlər barədə fikir mübadiləsi aparılacaq.
