ABŞ prezidenti Co Bayden və Fransa prezidenti Emmanuel Makron Rusiyanın dondurulmuş aktivlərindən əldə olunan gəlirin Ukraynaya kömək etmək üçün istifadə edilməsi barədə razılığa gəliblər.
Busaat.az bu barədə Reuters-ə istinadən xəbər verir.
Məlumata görə, G7 ölkələri və Avropa İttifaqı Rusiya aktivlərindən əldə edilən gəlirdən Ukraynaya kredit vermək və 2025-ci ilə qədər Kiyevi təmin etmək üçün necə istifadə edəcəyini müzakirə edir.
Bildirilir ki, dünyada Rusiya Mərkəzi Bankının 260 milyarda yaxın vəsaiti dondurulub ki, onların da əksəriyyəti Aİ-dədir.
Rusiya tərəfi bəyan edir ki, dondurulmuş vəsaitlərindən hər hansı gəlir əldə etmək oğurluq hesab olunacaq.
