"Moskva vilayətində terror aktının həyata keçirildiyi "Crocus City Hall" konsert zalının yerində xatirə parkı salına bilər". Manset.az Oxu.az-a istinadən bildirir ki, bu sözləri Moskva vilayətinin qubernatoru Andrey Vorobyov deyib. "İctimai rəy və bizim mövqeyimiz təbii ki, orada xatirə parkının salınmasını və təşkilini nəzərdə tutur. Bu müzakirələr davam edir", - deyə o vurğulayıb. Vorobyov binanın yenidən tikilməsinin mümkünlüyünə də istisna etməyib. Xatırladaq ki, martın 22-də "Crocus City Hall"da terror aktı baş verib. Faciə zamanı altısı uşaq olmaqla 145 nəfər həlak olub. Baş verənlərlə əlaqədar terroru birbaşa həyata keçirən dörd nəfər də daxil olmaqla 10-dan çox adam həbs edilib.
Bütün xəbərləri reklamsız oxumaq üçün
Günlük ölkədə baş verən xəbərləri bizdən izlə.
