Azərbaycanın aşağı yaş qrupları üzrə millilərinin baş məşqçiləri ilə müqavilələrin müddəti sentyabr ayınadək uzadılıb.
KONKRET.az xəbər verir ki, bu barədə qurumun İcraiyyə Komitəsinin iclasında qərar qəbul edilib.
U-19 Elxan Abdullayevə, U-18 Füzuli Məmmədova, U-17 İlham Yadullayevə, U-16 isə Aqil Nəbiyevə həvalə olunub.
Müvafiq yaş qrupları üzrə komandaların baş məşqçiləri həmin vaxt Avropa çempionatının seçmə mərhələsinə hazırlıq və hədəflər barədə hesabat təqdim edəcəklər.
AFFA-nın yeni rəhbərliyi onların yalnız müqavilə müddətini artırmayıb, eyni zamanda, maliyyə vəziyyətlərini də yaxşılaşdırıb. (Sportinfo.az)
