Yəmənin Husilər hərəkatı Qırmızı dənizdə "Elbella" və "Aal Genoa" ticarət gəmilərinə pilotsuz uçuş aparatları, həmçinin ballistik və gəmi əleyhinə raketlərlə zərbə endirib.
"Operativ Media" xəbər verir ki, bu barədə Husi sözçüsü Yəhya Səriyə bildirib.
"Yəmənin hərbi dəniz qüvvələri, pilotsuz təyyarələr və raket qüvvələri Qırmızı dənizdə işğal olunmuş Fələstinin limanlarına keçid qadağasını pozan şirkətlərə məxsus "Elbella" və "Aal Genoa gəmilərinə qarşı iki birgə əməliyyat keçirib", - deyə hərəkat nümayəndəsi bildirib.
