Fransız milyarder və lüks konqlomerat LVMH-nin baş direktoru Bernard Arno şirkətinin səhmləri Avropa hərracında təxminən 1,5% bahalaşdıqdan sonra İlon Maskı keçərək dünyanın ən varlı adamı olub.
Qaynarinfo xəbər verir ki, bu barədə Forbes yazır.
"210,1 milyard dollar sərvəti ilə Arno sərvəti 208,6 milyard dollar olan Tesla-nın baş direktorunu geridə qoyub”, - nəşr yazır.
Cümə axşamı Arnonun sərvəti 7,7 milyard dollar artıb, LVMH səhmləri isə 1,45% artaraq 830 dollara çatıb.
"5,5%. LVMH səhmləri ilin əvvəlindən bu qədər bahalaşıb. Müqayisə üçün qeyd edək ki, Maskın sərvətinin təxminən üçdə birini təşkil edən Tesla səhmləri 2024-cü ilin əvvəlindən bəri demək olar ki, 30% ucuzlaşıb", - Forbes qeyd edib.
May ayında Amazon qurucusu Jeff Bezosdan ikinci yeri ələ keçirdikdən sonra Mask süni intellekt startapı xAI 18 milyard dollar dəyərində 6 milyard dollar topladıqdan sonra həmin ayın sonunda Arnonu keçib. Son maliyyələşdirmə mərhələsindən sonra Forbes Maskın xAI-dakı payını 14,4 milyard dollar dəyərində qiymətləndirir.
Xatırladaq ki, Tesla və SpaceX-in qurucusu, X şirkətinin sahibi, amerikalı milyarder İlon Mask 2023-cü ilin sonunda dünyanın ən varlı adamı olaraq qalıb.
Mayın əvvəlində məlum olub ki, LVMH-nin nəzarət paketinə malik olan fransalı iş adamı Bernard Arno dünyanın ən varlı adamları reytinqində birinci yeri tutub.
Alpər
