ABŞ Ukraynaya hərbi müşavirlər göndərməyəcək - Ağ Evdən AÇIQLAMA

Amerika Birləşmiş Ştatları Ukraynaya hərbi müşavirlər göndərməmək siyasətini davam etdirəcək.

Bizim.Media xəbər verir ki, bununla bağlı ABŞ milli təhlükəsizlik rəsmisi açıqlama verib.

ABŞ-ın milli təhlükəsizlik üzrə müşaviri Ceyk Sallivan deyib: “Bir neçə dəfə qeyd etdiyimiz kimi, ukraynalılara təlim keçmək üçün ABŞ hərbi məsləhətçiləri, qoşunları, təlimçiləri göndərməyi planlaşdırmırıq”.

Onun sözlərinə görə, ABŞ Ukrayna əsgərlərinə ölkə ərazisindən kənarda təlim keçməyi təklif edir. O bildirib ki, bu cür təcrübə Almaniyada həyata keçirilir və burada minlərlə Ukrayna əsgəri Qərb istehsalı olan hərbi texnikanın idarə edilməsini öyrənir.
Sallivan bu cür təlimləri genişləndirməyə hazır olduqlarını vurğulayıb.

Bizim.Media