_342_940.jpg)
Mərkəzi Aran bölgəsində 1703 təhsilverən sertifikasiyaya cəlb olunacaq.
Bu barədə AzEdu.az-a Mərkəzi Aran Regional Təhsil İdarəsindən məlumat verilib.
İdarədən bildirilib ki, 677 Riyaziyyat, 665 İngilis dili, 210 Rus dili, 35 Azərbaycan dili və ədəbiyyat, 35 İbtidai sinif, 27 Rus dili və ədəbiyyatı, 26 Fransız dili, 26 Azərbaycan dili və 13 nəfər isə Alman dili üzrə təhsilverənlər 2024-cü ildə sertifikasiyaya cəlb olunacaqlar.
Qeyd edək ki, 2024-cü il üçün təşkil olunacaq sertifikatlaşdırma prosesində riyaziyyat və xarici dil (ingilis dili, rus dili, Azərbaycan dili (rus bölməsi), alman dili, fransız dili və s.) fənlərini tədris edən təhsilverənlər, eyni zamanda ibtidai sinif, Azərbaycan dili və ədəbiyyat müəllimləri iştirak edəcəklər.
İlk dəfə cəlb olunacaq müəllimlər üçün sertifikatlaşdırma prosesinin test imtahanı mərhələsi 21, 22, 24 iyun tarixlərində, ötən il uğur qazana bilməyən müəllimlərin təkrar sertifikatlaşdırılması isə 8 iyun tarixində keçiriləcək.
