ABŞ və Böyük Britaniyanın Yəmənin Hodeyda şəhərindəki radiostansiya binasına endirdiyi zərbələr nəticəsində ölənlərin sayı 14-ə çatıb, 30-dan çox şəxs yaralanıb.
“Report” xəbər verir ki, bu barədə husilərə məxsus “Al Masirah” telekanalı məlumat yayıb.
Mayın 31-i səhər saatlarında ABŞ və Britaniya husilərin Yəməndəki obyektlərinə zərbələr endirib. Məlumata görə, zərbələrdən biri El-Hok bölgəsində yerləşən radiostansiyaya endirilib. İlkin məlumata görə, 2 nəfər ölüb, 10 nəfər yaralanıb.
