"Zirə", "Sabah" və "Sumqayıt" klubları 2024/2025 mövsümündə avrokuboklara təsnifat mərhələsindən başlayacaq.
Məlumata görə, "Zirə" Avropa Liqasının 1-ci, "Sabah" və "Sumqayıt" isə Konfrans Liqasının 2-ci təsnifat mərhələsindən mübarizəyə qoşulacaqlar.
Püşkatma mərasimi öncəsi hər üç təmsilçimiz səpələnməmişlər sırasında yer alacaq.
Beləliklə, "Zirə" 1-ci təsnifat mərhələsində 6 potensial rəqibinin hamısını artıq məlumdur: "Şerif" (Moldova), "Maribor" (Sloveniya), "Tobol" (Qazaxıstan), "Visla" (Krakov, Polşa), "Pafos" (Kipr) və "Pakş" (Macarıstan). Konfrans Liqasının təsnifat mərhələsinin 2-ci mərhələsində ümumilikdə 100 klub mübarizə aparacaq. Onlardan 86-sı "Sabah" və "Sumqayıt"ın da daxil olduğu Liqa Yolu boyunca çıxış edəcək. Hazırda klublarımızın oynamayacağı Ermənistan təmsilçisini nəzərə almasaq, 42 komandadan 30-u bəllidir.
Hazırda "Sabah" və "Sumqayıt"ın potensial rəqibləri arasında aşağıdakı klublar var: "Olimpiakos" (Yunanıstan), "Başakşəhər" (Türkiyə), ÇFR (Rumıniya), "Legiya" (Polşa), "Makkabi" (Hayfa, İsrail), "Apoel" (Beer-Şeva, İsrail) ), "Yurqorden" (İsveç), "Qou Ehed İqlz" (Niderland), "Omonia" (Kipr), "Viktoriya" (Portuqaliya), "Astana" (Qazaxıstan), "Riqa" (Latviya), "Olimpiya" (Sloveniya), "Dnepr-1" (Ukrayna) ), AEK (Yunanıstan), "Jrinski Mostar" (Bosniya və Herseqovina), "Hayduk" (Xorvatiya), "Osiyek" (Xorvatiya) , "Spartak" (Trnava, Slovakiya), AEK (Kipr), "Austriya" (Vyana, Avstriya), "Vaduts" (Lixtenşteyn), "DAK 1904" (Slovakiya), "Fehervar" (Macarıstan), "Banik" (Çexiya), "Sent-Mirren" (Şotlandiya), "Universitet" (Krayova, Rumıniya), "Bröndbü" (Danimarka), "Sürix" ( İsveçrə), "Sent-Qallen" (İsveçrə).
Qeyd edək ki, daha 8 klub 1-ci turun, 3 klub isə Belçika, Çexiya və Danimarka çempionatlarının nəticələrinə əsasən müəyyənləşəcək.
Onu da xatırlatmaq lazımdır ki, "Olimpiakos" bu gün keçiriləcək Konfrans Liqasının finalında qalib gəlsə, yeni mövsümə Avropa Liqasında başlaya bilər.
Mənbə: Kassiesa.net
