"Bayden Ukraynaya Amerikanın qısa mənzilli silahlarını Rusiya ərazisinə atmağa icazə vermək imkanını nəzərdən keçirir".
Modern.az xəbər verir ki, bunu "Washington Post"un köşə yazarı Devid İqnatius bildirib.
Onun sözlərinə görə, bu, Rusiya ordusunun cəbhədə irəliləməsinə qarşı cavab tədbiri kimi qiymətləndirilir. İkinci əks tədbir Çini Moskvaya əsas texnologiyalar tədarük etdiyinə görə cəzalandırmaqdır.
"Bu addımlar Baydenin diqqətlə kalibrlənmiş siyasətinin əhəmiyyətli dərəcədə artmasını ifadə edərdi. İndi belə addımların nəzərdən keçirilməsi faktı administrasiyanın Ukraynanın döyüş meydanındakı zəifliyi ilə bağlı artan narahatlığını göstərir", - İqnatius yazıb.
Jurnalist qeyd edib ki, Kiyevə səfərindən sonra Blinken Rusiya Federasiyasına artilleriya və yaxın mənzilli raketlərlə hücumlara qoyulan qadağanın götürülməsi üçün lobbiçilik etməyə başlayıb. Digər NATO ölkələri də nəzarəti yumşaltmaq üçün Baydenə təzyiq göstərirlər.
İqnatius hesab edir ki, belə bir qətnamə Ukraynanın gələcək danışıqlarda mövqeyini gücləndirəcək.
