"Araz-Naxçıvan"nın rəhbərliyi baş məşqçi Elmar Baxşıyevlə bağlı qərar verib.
Sportal.az klubun mətbuat xidmətinə istinadən xəbər verir ki, Naxçıvan təmsilçisi çalışdırıcısı ilə yeni müqavilə imzalayıb.
Anlaşmanın müddəti 1 ildir. Mütəxəssis 2024/25-ci il mövsümündə “qırmızı-ağlar”ı çalışdıracaq. “Araz-Naxçıvan”ın yeni mövsümlə bağlı hazırlıq planı, eləcə də transfer çalışmaları barədə ətraflı məlumat veriləcək.
Qeyd edək ki, başa çatan mövsümün son 7 oyununda “Araz-Naxçıvan”ın baş məşqçisi Elmar Baxşıyev olub.
