Ukrayna Prezidenti Volodimir Zelenski səlahiyyət müddətinin başa çatmasına baxmayaraq, Ukrayna prezidenti olaraq qalır.
Sfera.az xəbər verir ki, bu fikri Almaniyanın xarici işlər naziri Annalena Barbok deyib.
Ukrayna Xarici İşlər Nazirliyinin sosial şəbəkələrdə yayımladığı Kiyevdə mətbuat konfransında diplomat qeyd edib ki, “Zelenski Ukraynanın qanuni prezidentidir... Nəinki Ukraynanın konstitusiyasına görə, ümumiyyətlə hərbi vəziyyət zamanı seçkilər keçirilə bilməz” .
O, həmçinin bildirib ki, seçkilər müharibənin bitməsindən yalnız altı ay sonra keçirilə bilər.
Bundan əvvəl Zelenski Reuters-ə müsahibəsində ölkədə hərbi vəziyyətə görə prezidentlik müddətinin hələ başa çatmadığını bildirib. Lakin Ukraynada heç də hamı dövlət başçısının fikri ilə razılaşmır.
Məsələn, Ukraynada Ali Radanın deputatı Aleksandr Dubinski əmindir ki, Zelenskinin ölkə konstitusiyası üzrə səlahiyyətləri mayın 21-nə keçən gecə başa çatıb və onların uzadılması üçün sadəcə olaraq heç bir hüquqi əsas yoxdur.
Lakin BMT hesab edir ki, Ukraynanın hazırkı prezidenti təşkilatın dövlət başçısı olaraq qalır.
Qeyd edək ki, 2019-cu ildə prezident seçilən Zelenskinin beş illik səlahiyyət müddəti mayın 20-də başa çatıb.
İnci
