Müəllif:Ayşən İmanova\Banco.az
“iPhone” və digər “Apple” məhsullarının yaradılması üzərində işləyən marketoloq Ken Siqal şirkətə öz smartfonlarının adını dəyişməyi təklif edib.
Banco.az xəbər verir ki, o bu barədə “Wired”ə müsahibəsində bildirib.
Siqal “Apple”ın qurucusu Stiv Cobsun məhsullarını tanıtmaq üçün dəfələrlə işə götürdüyü reklam agentliyinin kreativ direktoru olub. “iPhone” və “iPad” kimi cihazların adlarında “i” prefiksinin müəllifi məhz Siqal hesab edilir. Jurnalistlərlə söhbətində o, “Apple”ın bu addan imtina etməsinin vaxtı çatdığını bildirib.
Mütəxəssisin sözlərinə görə, ilkin olaraq cihazların adındakı “i” onların internetlə işlədiyini göstərirdi. O qeyd edib ki, bu gün bu konsol aktuallığını itirib, çünki bütün müasir cihazlar internetə qoşulur.
