PSJ-nin hücumçusu Kilian Mbappe klubda son günlərini keçirir.
Publika.az xəbər verir ki, o, mümkün olduğu qədər xoş əhval-ruhiyyədə qalmağa çalışır. Buna görə də Parisin mərkəzində 250 nəfərlik vida yeməyi təşkil edib. Dəvət olunanlar arasında Fransa prezidenti Emmanuel Makron da olub.
2024-cü ilin iyununda 25 yaşlı futbolçunun Paris klubu ilə müqaviləsi başa çatır. O, azad agent kimi "Real"a keçəcək.
Bu mövsüm Mbappe PSJ-nin heyətində 47 oyun keçirib, 44 qol vurub və 10 məhsuldar ötürmə edib. Liqa 1-in nəticələrinə görə, hücumçu 27 qol və 7 məhsuldar ötürmə ilə çempionatın bombardiri kimi tanınıb.
