Fransa millisinin sabiq futbolçusu Kərim Benzema Səudiyyə Ərəbistanının “Əl-İttihad” klubundan ayrılmaq istəyir.
Msport.az “Relevo” nəşrinə istinadən xəbər verir ki, təcrübəli hücumçu bu ölkədəki həyatından məmnun deyil.
O, Fransaya qayıdarkən bu barədə dostlarına məlumat verib. Forvard İspaniyanın paytaxtı Madriddə malikana alıb və Səudiyyə Ərəbistanına qayıtmaq istəmir.
“Əl-İttihad” isə ölkənin imicini qorumaq məqsədi ilə müqaviləsi başa çatanadək Benzema ilə vidalaşmaq niyyətində deyil.
Qeyd edək ki, oyunçu bu komandaya “Real”dan keçib.
