Nazirlər Kabineti “Dəniz nəqliyyatında xarici daşımaçılıqla məşğul olan ticarət donanmasının heyət üzvlərinə vəzifə maaşlarına verilən aylıq əlavə pul təminatının yuxarı həddinin məbləği”nin təsdiq edib.
Pravda.az-ın xəbərinə görə, qərara əsasən, dəniz nəqliyyatında xarici daşımaçılıqla məşğul olan ticarət donanmasının heyət üzvlərinə vəzifə maaşlarına verilən aylıq əlavə pul təminatının yuxarı həddinin məbləği aşağıdakı kimi olacaq:
| Sıra №-si |
Vəzifələrin adı | Gəmilərin qrupu üzrə ödənişin məbləği (ABŞ dolları ilə) | ||
|
| 1-4 | 5 | 6 və yuxarı | |
| 1. | Kapitan | 1980 | 2070 | 2250 |
| 2. | Baş (böyük) mexanik | 1890 | 1980 | 2160 |
|
3. | Kapitanın böyük köməkçisi, 2-ci mexanik, böyük (1-ci) elektromexanik, elektromexanik |
1710 |
1800 |
1890 |
|
4. | Kapitanın 2-ci köməkçisi, kapitanın sərnişin üzrə köməkçisi, radiomütəxəssis, 3-cü mexanik, 2-ci elektromexanik |
1620 |
1710 |
1800 |
| 5. | Komandir heyətinin başqa üzvləri, bosman, donkerman | 1440 | 1620 | 1710 |
| 6. | Sıravi heyət (bosman, donkerman istisna olmaqla) | 1350 | 1350 | 1350 |
Dəniz nəqliyyatında xarici daşımaçılıqla məşğul olan ticarət donanmasının heyət üzvlərinin vəzifə maaşlarına aylıq əlavə pul təminatı faktiki iş günlərinə uyğun müəyyən edilir.
Xəzərdənkənar hövzələrdə üzən ticarət donanmasının heyət üzvlərinin vəzifə maaşlarına aylıq əlavə pul təminatının məbləği cədvəldə nəzərdə tutulan məbləğlərə 1,5 əmsal tətbiq olunmaqla hesablanır.
Eyni zamanda Nazirlər Kabineti müvafiq olaraq “Dəniz nəqliyyatında ezamiyyə xərcləri əvəzinə üzücü heyətin üzvlərinə sutkalıq ödənişlərin müəyyən edilməsi haqqında” qərarda dəyişiklik edib.
