8 may 2024-cü il tarixində Azərbaycan Respublikasının Bosniya və Herseqovinadakı səfiri Vilayət Quliyev Bosniya və Herseqovina Rəyasət Heyətinin xorvat üzvü Jelko Komşiçlə görüşüb və Azərbaycan Respublikasının Prezidenti İlham Əliyev tərəfindən J.Komşiçə ünvanlanmış BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası - COP29-a dəvət məktubunu təqdim edib.
525.az xəbər verir ki, görüş zamanı Səfir Azərbaycanda COP29-a hazırlıqla bağlı işlər və yaşıl enerjiyə keçid sahəsində icra edilən genişmiqyaslı layihələr barədə ətraflı məlumat verib.
J.Komşiç Azərbaycanın işğaldan azad edilmiş ərazilərindəki görülən yenidənqurma işləri ilə maraqlanıb. Azərbaycanda hələ ki səfərdə olmadığını, lakin Azərbaycan Respublikasının Prezidenti cənab İlham Əliyevin rəhbərliyi altında ölkəmizdə görülən işlər və aparılan islahatları yaxında izlədiyini vurğulayıb.
Səmimilik şəraitində keçən söhbət zamanı Azərbaycan və Bosniya və Herseqovina əlaqələrinin geniş spektri üzrə fikir mübadiləsi aparılıb.
Bizi İnstagramda izləyin
- Gecə Modu
- Ana səhifə
- İstifadəçilər
- Səhifələr
- Reytinq
- Hava
- Valyuta
