Böyük Britaniyanın Moskvadakı səfiri Naycel Keysi bazar ertəsi Rusiya Xarici İşlər Nazirliyinə çağırılıb. Yeniavaz.com TASS-a istinadla xəbər verir ki, bu barədə Rusiyanın diplomatik departamentindən məlumat verilib. “Böyük Britaniya səfiri Naycel Keysi Rusiya Xarici İşlər Nazirliyinə çağırılıb”, - nazirlikdən bildirilib. Britaniya səfirinin çağırılmasının səbəbi açıqlanmayıb. Qeyd edək ki, mayın 2-də “Reuters” agentliyi Britaniyanın xarici işlər naziri Devid Kemeronla müsahibəsini dərc edib. O, Ukraynanın Britaniya silahları ilə Rusiya ərazisindəki hədəfləri vurmaq hüququna malik olduğunu bildirib.