Braziliyanın Rio Qrande-du-Sul əyalətində leysan yağışlarının səbəb olduğu daşqın nəticəsində 8 nəfər ölüb, 21 nəfər itkin düşüb.
Bakıvaxtı.az "İHA"ya istinadən bildirir ki, ştatın 100-dən çox şəhəri daşqından zərər çəkib. Səlahiyyətlilər daşqın nəticəsində 1400-dən çox insanın təxliyə edildiyini bildirib.
Güclü yağışların davam edəcəyi ehtimalı ilə əlaqədar olaraq ştatda daşqın riski xəbərdarlığı edilib.
Ştat qubernatoru Eduardo Leite açıqlamasında həyatını itirənlərin ailələrinə başsağlığı verib.
O bildirib ki, hökumət itkin düşənlərin tapılması və risk altında olan ərazilərdə təhlükəsizliyin təmin edilməsi üçün müvafiq addımlar atacaq.
Gülşən Şərif
