"Sumqayıt" "Qarabağ"la oyunda hesabı açdı - Yenilənir

 Misli Premyer Liqasında 32-ci turun oyunları davam edir.

QOL.az xəbər verir ki, bu günə nəzərdə tutulan 3 matçdan ikisi başa çatıb.

Əvvəlcə "Qəbələ" "Kəpəz"i qəbul edib. Oyun qonaqların 1:0 hesablı qələbəsi ilə başa çatıb. Bu nəticədən sonra "Qəbələ"nin mövsümü sonuncu pillədə başa vuracağı rəsmiləşib və reqlamentə görə komanda elitanı tərk etməlidir. Ancaq bununla bağlı son qərarı AFFA İcraiyyə Komitəsi verəcək. "Kəpəz" isə xallarını 34-ə çatdırıb və ən azı bir günlük də olsa, "Araz-Naxçıvan"ı qabaqlayaraq 8-ci yerə yüksəlib.

Turun digər görüşündə "Turan Tovuz" "Neftçi"nin qonağı olub. Matç meydan sahiblərinin qələbəsi ilə başa çatb - 3:0. Xallarını 50-ə çatdıran "ağ-qaralar" "Zirə"ni qabaqlayaraq 2-ci yerə yüksəlib. Ancaq "Zirə"nin sabah "Araz-Naxçıvan"la oyunu var.

Günün son qarşılaşmasına çempionluğu rəsmiləşdirən "Qarabağ" səfərdə "Sumqayıt"la üz-üzə gələcək.

Qeyd edək ki, tura sabah keçiriləcək "Zirə" - "Araz-Naxçıvan" oyunu ilə yekun vurulacaq.

28 aprel (bazar)

20:00. “Sumqayıt” –“ Qarabağ” - 1:0 (İkinci hissə)

Qol: Roi Kehat, 70
Hakimlər: Rauf Cabarov, Vüsal Məmmədov, Zöhrab Abbasov, Kamranbəy Rəhimov
M.H. adına Sumqayıt şəhər stadionu

17:45. “Neftçi” – “Turan Tovuz” - 3:0 

Qol: Filip Ozobiç, 15. Yuri Matias, 31-pen. Rəhman Hacıyev, 70-pen.

Qırmızı vərəqə: Bruno Qonçalves, 62 ("Turan Tovuz")
Hakimlər: Rəvan Həmzəzadə, Cəmil Quliyev, Şirmamed Mamedov, Əli Əliyev
“Neftçi Arena”

15:30. “Qəbələ” – “Kəpəz” - 0:1 

Qol: Martins Junior, 7

Hakimlər: İnqilab Məmmədov, Namiq Hüseynov, Rahil Ramazanov, Fərid Hacıyev
Qəbələ şəhər stadionu
 

29 aprel (bazar ertəsi)

19:00. “Zirə”– “Araz-Naxçıvan”
Hakimlər: Cavid Cəlilov, Eyyub İbrahimov, Asiman Əzizli, Nicat İsmayıllı
Zirə İdman Kompleksinin stadionu

27 aprel (şənbə)

“Sabah” – “Səbail” - 2:0

Bombardirlər:

Olavio Juninyo ("Qarabağ") - 17 qol
Aleksandr Ramalinqom ("Səbail") - 13 qol
Yassin Benzia ("Qarabağ") - 12 qol
Nəriman Axundzadə ("Qarabağ") - 10 qol