"KTMT-Ermənistan münasibətləri çətin dövrdən keçir" - Baş katib

“Kollektiv Təhlükəsizlik Müqaviləsi Təşkilatı (KTMT) ilə Ermənistanın üzv dövlət kimi münasibətləri çətin dövrdən keçir, lakin İrəvanın qurumdakı fəaliyyəti davam edir”.

Azpost.info xəbər verir ki, bunu KTMT Baş katibi İmanqali Tasmaqambetov bildirib.

Onun sözlərinə görə, gündəlikdəki bütün məsələlər işçi qaydada həll olunur.

“KTMT ilə təşkilatımızın üzvü olan Ermənistan arasında münasibətlər heç də ən yaxşı dövrünü keçirmir. Bununla belə, Ermənistanın KTMT-dəki fəaliyyəti davam edir, gündəlikdəki bütün məsələlər işlək şəkildə həll olunur”, – Tasmaqambetov deyib.

Tasmaqambetov onu da qeyd edib ki, Ermənistan Baş naziri Nikol Paşinyanın 2024-cü ildə KTMT sammitində iştirak edib-etməmək qərarı onun ölkəsinin suveren seçimini əks etdirəcək. O, yaxın aylarda vəziyyətin dəyişəcəyinə ümid etdiyini bildirib.

Azpost.info