Avropa ölkələri Rusiyanın LNG-yə qarşı sanksiyalar tətbiq etsələr, Avropa İttifaqı bütün qaz idxalının beşdə birini itirəcək.
“İki sahil” xəbər verir ki, bu barədə “RİA Novosti” Avropa Statistika Xidmətinin məlumatlarına istinadla xəbər yayıb.
Qeyd edə ki, bu ilin yanvar-fevral aylarında Aİ doqquz ölkədən 7 milyard avro dəyərində mayeləşdirilmiş təbii qaz idxal edib. Ən böyük pay ABŞ-dan idxal edilib - 48%, Aİ isə bütün LNG tədarükünün 19%-ə qədərini Rusiyadan alıb. Əlcəzair tədarükdə üçüncü yerdədir - 9%.
Daha əvvəl İsveçin xarici işlər naziri Tobias Billström bildirmişdi ki, Aİ mayeləşdirilmiş təbii qazın tədarükünə qadağanı Rusiyaya qarşı 14-cü sanksiyalar paketinə daxil etmək niyyətindədir.
