Salyan sakinləri balıqların qoxusundan ŞİKAYƏTLƏNİRLƏR

Salyanın Kürsəngi kəndində bir neçə gündür ki, kəsif iyi sakinləri narahat edir.
Ednews-un məlumatına görə, bu qəribə qoxunu sakinləri ərazidən keçən çayda qeyri-qanuni balıq ovlayan şəxslərin elektrik vasitəsindən istifadə edərək kütləvi balıq tələfinə yol vermələri ilə izah edirlər. 
Tələf olan balıqlar suyun üzərində günlərlə qaldığından ətrafı xoşagəlməz qoxu bürüyür. 
Sakinlərin dediyinə görə, bu il Kür çayında suyun həm kifayət qədər olması, eyni zamanda balıqların kürü artım mövsümü olduğundan ərazi sularında görünməmiş miqdarda balıq ehtiyatı var.