ABŞ husilərə məxsus 6 PUA-nın zərərsizləşdirildiyini açıqlayıb

Birləşmiş Ştatlar Yəmənin “Ənsar Allah” hərəkatının husi üsyançılarına məxsus 6 pilotsuz uçuş aparatını (PUA) məhv edib.
Ednews un məlumatına görə, bu barədə ABŞ Hərbi Qüvvələrinin Mərkəzi Komandanlığı xəbər yayıb.
"ABŞ-nin Hərbi Qüvvələri Qırmızı dənizin cənubunda husilərin 6 pilotsuz uçuş aparatına hücum edib. Onlardan beşi Qırmızı dənizə, biri isə Yəməndə husilərin nəzarətində olan ərazilərə düşüb", - komandanlığın “X”dəki səhifəsində yayımlanan bəyanatda deyilir.
Husilərin beş gəmi əleyhinə ballistik raket buraxdığı qeyd edilir.