Separatçı terror təşkilatı PKK-nın qış mövsümünə hazırlıq fəaliyyətlərinin qarşısını almaq üçün 7 vilayətdə “Qəhrəmanlar-47” əməliyyatı təşkil edilib.
Daxili İşlər naziri Əli Yerlikaya sosial media hesabından Mardin, Bitlis, Şırnak, Batman, Siirt, Tunceli və Diyarbəkir vilayətlərində həyata keçirilən "Qəhrəmanlar-47" əməliyyatı ilə bağlı açıqlama verib.
Nazir Yerlikaya terror təşkilatı PKK-nın qışa hazırlıq işlərinin qarşısını almaq üçün həyata keçirilən əməliyyatda 1174 şəxsi heyət və jandarma SİHA və ATAK helikopterinin iştirak etdiyini, əməliyyatda 28 sığınacaq, çoxlu reaktiv yaylım atəşi sistemi, uzun lüləli tüfəng, əl qumbarası məhv edildiyini, 159 kiloqram partlayıcı maddə ələ keçirildiyini bildirib.
Nazir Yerlikaya açıqlamasında terrorla mübarizədə qətiyyət mesajı da verib.
