ABŞ-nin ən önəmli media qurumlarından biri olan "U.S. News &World"un (ABŞ Xəbərləri ) bu ilin "Ən Yaxşı Ölkələr" siyahısının nəticələri açıqlanıb.
"Cebheinfo.az" xəbər verir ki, "WPP" marketinq şirkəti və Pensilvaniya Universitetinin dəstəyi ilə dünyanın hər yerindən 17 mindən çox insanın iştirakı ilə təşkil olunan tədqiqatda siyasi güc, iqtisadiyyat və mədəni nüfuz kimi amillər qiymətləndirilib.
Buna uyğun olaraq, son illərdə zirvədəki yerini itirməyən İsveçrə birinci yerdə qərarlaşıb.
Siyahıda ikinci yerdə Yaponiya, sonra sırayla ABŞ, Kanada, Avstraliya, İsveç, Almaniya, İngiltərə, Yeni Zelandiya və Danimarka ilk onluqdakı ölkələr olub.
İtaliya 15-ci, Çin 16-cı, Qətər isə 25-ci olduğu siyahıda Türkiyə 31-ci yerdə qərarlaşıb.
Azərbaycan isə siyahıda 81-ci yerdə qərarlaşıb.
