Əmisi Narinin meyitini gizlətmək üçün kişiyə 200 min təklif edib

Diyarbəkirdə itkin düşdükdən günlər sonra cansız cəsədi tapılan 8 yaşlı Narin Güranın qətlində yeni təfərrüatlar açıqlanıb. 

"32gun.az" Türkiyə KİV-ə istinadən xəbər verir ki, Narinin qətli ilə bağlı ilk etiraf saxlanılan şübhəli şəxsdən gəlib.

Avtomobili ilə çay kənarına getdiyi müəyyən edildikdən sonra saxlanılan şübhəli "Meyiti Muxtar (Narinin əmisi Səlim Güran, - red) mənə torbada verdi. Torbanı götürüb dərəyə apardım",  - deyib.

Adı açıqlanmayan şahid onu da bildirib ki,  meyitin atılması üçün əmisi ona 200 min TL (10 min AZN) təklif edib.

***13:12

8 yaşlı qızcığaz Narin Güranın cənazəsi ekspertizadan sonra ailəsinə təhvil verilib. 

"32gun.az" xəbər verir ki, bu barədə Türkiyə mətbuatı yazıb. 

Narin Tavşantepe qəbiristanlığında dəfn edilib.