Fransanın ev sahibliyi etdiyi Paris-2024 Yay Paralimpiya Oyunları davam edir.
“Qafqazinfo” xəbər verir ki, cüdoçumuz İlham Zəkiyev (J1 kateqoriyası) 1/4 finalda məğlub olub.
Təcrübəli idmançı 1/4 final mərhələsində Fransadan olan Ceyson Qrandra ilə üz-üzə gəlib. Rəqibinə uduzan Zəkiyev təsəlliverici görüşə qatılacaq.
Paracüdoçumuz Dürsədəf Kərimova (J2 kateqoriyası) da məğlub olub. 70 kq-dan yuxarı çəkidə mübarizə aparan idmançı 1/4 finalda Souza Silva (Braziliya) ilə üz-üzə gəlib.
Rəqibinə məğlub olan D. Kərimova da təsəlliverici görüşə qatılacaq.
