Məlumdur ki, 30 ildən sonra Azərbaycanın bütün ərazisində növbədənkənar parlament seçkiləri keçirilir. SİA 23 saylı Nəsimi- Səbail seçki dairəsinin 38 saylı seçki məntəqəsində mövcud vəziyyətlə tanış olub.
Qeyd edək ki, növbədənkənar parlament seçkiləri ölkə üzrə 125 seçki dairəsinin ərazisində formalaşdırılmış 6 min 478 seçki məntəqəsində keçirilir. Onlardan 54-ü işğaldan azad edilmiş ərazilərdə formalaşdırılıb. Seçki məntəqələri saat 8:00-da açılıb. Səsvermə 19:00-a qədər davam edəcək.
Parlament seçkilərində 125 deputat mandatı uğrunda 990 namizəd mübarizə aparır. Azərbaycanda seçicilərin ümumi sayı 6 milyon 421 min 960 nəfərdir.
