NATO Ukraynanın Rusiya Federasiyasının Kursk vilayətində keçirdiyi hərbi əməliyyatı haqlı sayır.
Herbiand.az xəbər verir ki, bunu NATO-nun baş katibi Yens Stoltenberqin avqustun 31-də nəşrin saytında dərc olunan Welt am Sonntag qəzetinə müsahibəsində bildirib.
“Rusiya 900 gündən artıqdır ki, Ukraynaya qarşı əsassız, təcavüzkar müharibə aparır və artıq beynəlxalq hüquqa görə, Rusiya əsgərləri, tankları və hərbçiləri ilə sərhəddən keçərək Ukraynaya çoxsaylı hücumlar həyata keçirib bazalar qanuni hədəflərdir”.
O, Ukraynanın özünü müdafiə etmək hüququna malik olduğunu vurğulayıb. “Beynəlxalq hüquqa görə, bu hüquq sərhəddə (Ukraynanın Rusiya ilə - red.) dayanmır”, - deyə Stoltenberq əlavə edib. O, həmçinin Ukrayna prezidenti Vladimir Zelenskinin ölkəsinin bufer zona yaratmaq və Rusiyanın gələcək transsərhəd hücumlarından qorunmaq üçün Kursk yaxınlığında əməliyyata ehtiyacı olduğu barədə bəyanatını xatırladıb.
Eyni zamanda Yens Stoltenberq etiraf edib ki, Ukrayna Silahlı Qüvvələrinin Kursk yaxınlığındakı hücumu bütün digər hərbi əməliyyatlar kimi risklə bağlıdır. “Ancaq Ukrayna özünü necə müdafiə edəcəyinə özü qərar verməlidir”, deyə o, yekunlaşdırıb.
