Mayın 19-da Moldovanın paytaxtı Kişinyovda jurnalistlər arasında minifutbol üzrə Avropa Millətlər Liqası baş tutacaq.
Sportinfo.az xəbər verir ki, turnirdə Azərbaycanın jurnalistlərdən ibarət milli komandası da iştirak edəcək.
Bu gün keçirilən püşkatma mərasimindən sonra həmkarlarımızın qrupdakı rəqibləri bəlli olub.
Millimiz qərarlaşdığı B qrupunda İsrail, Almaniya və Moldova yığma komandaları ilə qarşılaşacaq.
Komandamızın ilk oyunu mayın 19-da Almaniya yığmasına qarşı olacaq.
