“İçində mən olmaq şərti ilə yaşı 70-i ötmüş bütün deputatları bir yerə yığıb güllələmək lazımdır".
Modern.az xəbər verir ki, bunu "yenisabah.az" saytına açıqlamasında Milli Məclisin deputatı Aqil Abbas deyib.
O, parlament seçkilərində yaşı 70-dən çox olan deputatların seçilməyəcəyi ilə bağlı iddiaları şərh edərkən bildirib ki, deputatı xalq seçir, bu seçimdə yaşa fikir verilmir:
"Mən də istəyərəm ki, parlamentə gənclər gəlsin, amma onları xalq seçir. Seçici deputatın yaşına, başına, savadına baxmır. Bunu xalqdan soruşmaq lazımdır ki, 70-dən yuxarı yaşı olanları seçəcəksiniz, ya yox? Dünya təcrübəsində də belə bir şey yoxdur. Görünür, bəzi adamların qocaman deputatlardan - yaşı 70-i keçənlərdən zəhləsi gedir”.
