ABŞ-da yerləşən TransUnion şirkəti 22-24 yaşlı Z nəslinin xərclərini 10 il əvvəl 22-24 yaşlı Y nəslinin xərcləri ilə müqayisə edib.
News24.az xəbər verir ki, araşdırmalar göstərib ki, yüksək inflyasiya və yaşayış minimumu səbəbindən bu gün 22-24 yaş qrupunda olan gənclərin gəlirləri 10 il əvvəlkindən daha azdır. Onların (Z nəsli) daha çox borc var.
Keçən il 22-24 yaş arası gənclər orta hesabla 45 min dollar qazandığı halda, 10 il əvvəl Y nəslinin eyni yaşda orta hesabla 51 min dollar qazandığı müəyyən edilib.
Araşdırma həmçinin 10 il əvvəl 22-24 yaş arasında olan Y nəsli ilə müqayisədə Z nəslinin iqtisadiyyata daha çox diqqət yetirdiyini ortaya qoyub.
İqtisadi vəziyyətləri ilə bağlı özlərini nə qədər stresli hiss etdiklərini soruşduqda, 10 il əvvəl Millennialların 8 faizi ilə müqayisədə, Z nəslinin 14 faizi "son dərəcə stressli" olduqlarını söyləyib.
Bundan əlavə, 10 il əvvəl iqtisadi cəhətdən “rahat” olduqlarını bildirən Y nəsli gənclərinin nisbəti 13% idisə, bu gün gənclərin yalnız 8%-i özlərini təhlükəsiz hiss edir.
Günel Məlikzadə
