Çin Prezidenti Si Cinpinin səfərindən sonra Macarıstan Pekinin Vaşinqtonla qarşıdurmasında strateji tərəfdaşına çevrilib.
Bakıvaxtı.az xəbər verir ki, Budapeşt indi Si Cinpinin Pekinin “dostlar dairəsi” adlandırdığı təşkilatın üzvü olub. Bunlar Çin Xalq Respublikasının ABŞ-nin gücünə qarşı çıxmaq səylərini ən çox dəstəkləyən dövlətlərdir.
Nəşr qeyd edir ki, indi möhkəmlənmiş əlaqələr sayəsində Macarıstan Çindən diplomatik və investisiya dəstəyi tələb edə bilər. Münasibətlərin dərinləşməsi isə müəlliflərin yazdığı kimi, geosiyasi mesaj daşıyır.
Xatırladaq ki, Si Cinpin mayın 5-dən 10-dək Avropa turunda olub. Səfər zamanı o, Fransa, Serbiya və Macarıstana baş çəkib.
