Azərbaycan nümayəndə heyəti Çinin Çendu şəhərində baş tutan Dünya Badminton Federasiyasının illik toplantısında iştirak edib.

Futbolpress.az xəbər verir ki, toplantıda dünyanın 151 yerli federasiyasının nümayəndələri iştirak edib.

Tədbiri giriş sözü ilə açan Dünya Badminton Federasiyasının prezidenti Poul Erik Höyer bildirib ki, düynada badmintona maraq dayanmadan artmaqdadır. Qurum rəhbəri qeyd edib ki, 2023-cü ildə dünya üzrə qeyd olunan 5 iyul Badminton Günündə 60 ölkədə, 200-dən artıq tədbir keçirilib.

Bu idman növü bütün qitələrdə inkişaf etməkdədir. Beynəlxalq İdman Federasiyaları üzrə Dünya Badminton Federasiyası ən çox izlənilən beş federasiya sırasındadır.

Azərbaycan Badminton Federasiyasının prezidenti Taleh Ziyadovun rəhbərlik etdiyi nümayəndə heyəti illik toplantıda iştirak edərək bir sıra ikitərəfli görüşlər keçirib.

Ötən il Avropa Badminton Federasiyasının illik konqresi ilk dəfə ölkəmizdə keçirilib. 2025-ci ildə isə Bakı qarışıq komandalar arasında badminton üzrə Avropa çempionatına ev sahibliyi edəcək.

• tags
• tags