"Fənərbağça" çempionluq yolunda ağır zərbə aldı

Türkiyə Superliqasında 33-cü tura yekun vurulub.

Publika.az xəbər verir ki, günün yeganə oyununda çempionluq mübarizəsi aparan “Fənərbağça” səfərdə “Sivasspor”la qarşılaşıb. Görüşdə qalib müəyyən edilməyib - 2:2.

Hesabı 45+2-ci dəqiqədə qonaqların heyətindəki Fred açıb. 57-ci dəqiqədə Koita tablodakı rəqəmləri bərabərləşdirib. 80-ci dəqiqədə Kahveci qonaqları önə keçirib. 90+4-cü dəqiqədə isə Manaj penaltidən oyunun nəticəsini müəyyənləşdirib.