İsraildə məktəblərə qoyulan qadağalar aradan qaldırıldı

İsrail ordusu İranın hücum təhlükəsi ilə bağlı iki gündür bağlanan məktəblərin bu gündən etibarən yenidən açılacağını və toplantılara qoyulan qadağanın qaldırıldığını açıqlayıb.

"Unikal" xəbər verir ki, İsrail ordusundan verilən açıqlamada təhdid qiymətləndirməsinin ardından ölkə vaxtı ilə bu gecə saat 00:00-dan etibarən təhlükəsizlik siyasətlərində dəyişiklik edildiyi bildirilib.

Xatırladaq ki, İsrail ordusu aprelin 13-14-də İrandan gələ biləcək hücum təhlükəsi səbəbindən ölkə daxilində məktəblərin bağlandığını açıqlamışdı.

Zərifə Nağıyeva