Dünya Bankı Afrika iqtisadiyyatlarının bu il 3,4 faiz artacağını gözləyir

Dünya Bankı Afrika iqtisadiyyatlarının 2024-cü ildə 3,4 faiz artacağının proqnozlaşdırıldığını, lakin artım tempinin yavaş olduğunu və yoxsulluğun azaldılmasına əhəmiyyətli təsir göstərmək üçün yetərli olmadığını açıqlayıb.Dünya Bankı Afrika iqtisadiyyatlarının qiymətləndirmələrini özündə əks etdirən "Afrikanın Nəbzi" hesabatını dərc edib.Hesabatda qeyd olunub ki, Sahara-altı Afrika ölkələrinin iqtisadiyyatlarında artım bərpa olunacaq, lakin bərpa hələ də kövrəkdir.Ötən il Saharaaltı Afrikada iqtisadi artımın 2,6 faiz olduğunu xatırladan hesabata görə, bu il artımın 3,4 faiz, 2025-ci ildə isə 3,8 faiz olacağı gözlənilir.Hesabatda qeyd edilib ki, artan şəxsi istehlak və aşağı inflyasiya Saharaaltı Afrikada iqtisadi bərpanı dəstəkləyib.Hesabatda artımın proqnozlaşdırılan artımına baxmayaraq, 2000-2014-cü illərdə region iqtisadiyyatının inkişafı artım tempindən aşağı qaldığı və bunun yoxsulluğun azaldılmasında əhəmiyyətli təsir yaratmaq üçün yetərli olmadığı bildirilib.Hesabatda qeyri-müəyyən qlobal iqtisadi şərtlər, artan borc öhdəlikləri, tez-tez baş verən təbii fəlakətlər, artan münaqişə və zorakılıq səbəbindən bərpanın kövrək qaldığına diqqət çəkilərək, uzunmüddətli böyüməni və effektiv şəkildə davam etmək üçün dərinləşən bərabərsizliyi aradan qaldıracaq transformativ siyasətlərə ehtiyac olduğu vurğulanıb.