Nikkei: ChatGPT tərtibçisi Asiyada ilk ofisini açmağı planlaşdırır

Generativ neyron şəbəkəsi ChatGPT-nin tərtibatçısı Amerikanın OpenAI şirkəti aprel ayında Tokioda nümayəndəlik açmağı planlaşdırır ki, bu da şirkət üçün Asiyada ilk olacaq. 

Valyuta.az xəbər verir ki, bu barədə Nikkei Asia yazır.

Onun sözlərinə görə, OpenAI-nin Asiya ofisinin əməkdaşları süni intellektdən kommersiya məqsədləri üçün istifadə etməkdə maraqlı olan yerli şirkətlərə ixtisaslaşmış xidmətlər təklif edəcəklər. Bundan əlavə, hesabatda deyilir ki, Yaponiyada nümayəndəliyin açılması amerikalı tərtibatçıya süni intellektdən istifadə qaydalarının işlənib hazırlanmasında iştirak etməyə imkan verəcək.

2023-cü ildə Open AI-nin baş direktoru Sem Altman Yaponiyanın baş naziri Fumio Kişida ilə görüş keçirib və o, şirkətin bu ölkədə filial yaratmaq planlarına işarə edib.

ChatGPT istifadəçi ilə dialoq saxlaya və müxtəlif formatlarda mənalı mətnlər yarada bilən süni intellektə malik kompüter proqramıdır. Bundan əlavə, ChatGPT riyazi məsələləri həll edə, bir xarici dildən digərinə çevirə və hətta mobil proqramlar üçün proqram kodu yaza bilər. 2023-cü ilin yanvar ayında Amerika texnologiya nəhəngi Microsoft, ChatGPT-ni yaradan OpenAI süni intellekt laboratoriyasına milyardlarla dollar sərmayə qoymaq niyyətini açıqlayıb.

Nicat