Rusiya ötən ilin oktyabrından Ukraynanın 505 kv. kilometr ərazisini ələ keçirib

Rusiya 2023-cü ilin oktyabrında hücum əməliyyatlarına başlamasından sonra Ukraynanın 505 kvadrat kilometr ərazisini ələ keçirib.APA xəbər verir ki, bu barədə Müharibə Araşdırmalar İnstitutunun məlumatında qeyd olunub.Bildirilib ki, təkcə bu ilin 1 yanvar - 28 mart tarixləri ərzində Rusiya qüvvələri 100 kvadrat kilometrdən çox ərazini ələ keçirib. Qeyd olunub ki, Rusiyanın döyüş meydanında kiçik nailiyyətlər əldə etməsi Ukraynanın ABŞ-dan gözlədiyi gecikən hərbi yardımlar fonunda üzləşdiyi sursat çatışmazlığı ilə əlaqədardır.“Material çatışmazlığı davam etdikcə Ukraynanın zəifliklərindən istifadə imkanları genişlənəcək”, - məlumatda qeyd olunub.