AZ

“Milan”ın futbolçusu ölümlə hədələndi

"Milan”ın futbolçusu Kriştian Pulişiç komandasının "Latsio” üzərində qələbə qazandığı oyundan sonra sosial mediada hədə-qorxu mesajları ilə üzləşib.

Qaynarinfo-nun məlumatına görə, oyundan sonra instaqramda şəkillər paylaşan Pulişiçi azarkeşlər ölümlə hədələyib. Buna səbəb kimi fanatlar Pulişiçin oyunun sonlarında meydandan qovulan "Latsio” futbolçuları ilə mübahisələrdə iştirak etməsini göstəriblər. 

İtaliya A Seriyasının 27-ci turu çərçivəsində baş tutan "Latsio” - "Milan” matçı qonaqların 0:1 hesablı qələbəsi ilə yekunlaşıb. Yeganə qolu 88-ci dəqiqədə Okafor rəqib qapısından keçirib. Görüşün 57-ci dəqiqəsində "Latsio”nun futbolçusu Luka Pelleqrini ikinci sarı vərəqədən sonra meydandan qovulub. Matçın son dəqiqələrində isə meydan sahiblərinin daha iki futbolçusu - Maruşiç (90+5) və Qunduzi də (90+6) hakimin qəzəbinə tuş gəlib.

Səbuhi Həsənov
Bütün xəbərləri reklamsız oxumaq üçün

Günlük ölkədə baş verən xəbərləri bizdən izlə.

Seçilən
166
11
qaynarinfo.az

10Mənbələr

Şərh ()
Bağla